அன்புள்ள ஜெ
12 ராசி சக்கரங்களைக்கொண்டு சொல்லப்பட்ட இருட்கனி அழகான ஒரு கட்டமைப்புடன் இருந்தது. மேஷம் என்றால் சித்திரையின் பின்பகுதி. ஏப்ரல் மாதம். சூரியன் உக்கிரமாக இருக்கும் மாதம். அங்கிருந்து தொடங்கி 12 ராசிகள் வழியாகக் கதை செல்கிறது. கடைசியாக சூரியன் மீண்டும் உக்கிரம் அடையத் தொடங்கும் மீனம் ராசியில் சித்திரை பிறப்பில் சென்று முடிகிறது. கேரளத்தில் மீனராசி சூரியனுக்கு உரியது என்பார்கள். சூரியனின் கதிர்கள் உச்சிநோக்கி வளரும் மாசம் அது. மீனபரணி அதை ஒட்டித்தான் அமைக்கப்பட்டிருக்கிறது
சூரியனின் கதை சூரியனின் 12 நிலைகளைக் காட்டும் ராசிகள் வழியாகச் செல்வது அழகான ஒரு கட்டமைப்பை அளித்தது. அதிலும் கடைசியாக மீனராசியில் கண் தெரியாதவர் கதை சொல்கிறார். அது பல அர்த்தங்கள் கொண்டதாக இருந்தது
சிவராஜ்
