அன்புள்ள ஜெயமோகன் சார், இருட்கனியின் 28ம் அத்தியாயம் வாசிக்கும்போது கலிகூலா படத்தை பார்க்கும்போது கிளம்பும் பீதிபோல் நாடி நரம்பெல்லாம் பீதியை கிளப்பியது. பீமன் பத்து CANNIBAL LECTURE க்கு சமம். இறந்தது போல் கிடந்த துச்சாதனின் உடலில் இறுதியாய் சிறு அசைவு தோன்றுவதை பார்த்தவுடன் வெறி ஏறி நெஞ்சுகுழியை உடைத்து, எலும்புகளை உடைத்து விலக்கி உள்ளிருந்து சேற்றில் இருக்கும் செந்தாமரையை பிடுங்குவதுபோல் ஈரக்குலையை புடுங்குகிறான். ஈரக்குலையை வகுந்துவிடுவேன் என கூறுவது இதுதானா?. பிறகு குலையில் இருந்து வரும் ரத்தத்தை குடிக்கிறான். ஆனால் அது அமைதியான பயணமாய் உடலுக்குள் சென்றது என்று அவன் உணர்வது உச்சகட்டம் தான். துச்சாதனன் ரத்தத்தை பாத்திரத்தில் பாஞ்சாலிக்காய் பிடிக்கிறான்.[பாஞ்சாலியை குறித்து வாசிக்கும் போதேல்லாம் " அய்கிரி நந்தினி " என தொடங்கும் மந்திரமும் மனதில் ஓடுவது ஏன் என தெரியவில்லை] அதைகண்டு அவனின் மகன்களே மயங்கி விழுகிறார்கள். இப்போது வரை வந்த வெண்முரசின் கொடூர பகுதிகளில் முதன்மையான காட்சி இது. ஜராசரன் தனக்கு பிடிக்காதவர்களை கழுவில் ஏற்றி அவர்கள் வலியில் கதறுவதை கேட்டுகொண்டே சாப்பிடுவதைகாட்டிலும் கொடூரமாய் இருக்கிறது. ஒரு வேளை ஜராசந்தன் பீமன் உடலில் எறிவிட்டானா? ரெண்டு பேருமே தங்களை காட்டாளன் என சொல்ல தயங்கியதேதில்லை. மனிதனின் அதிக பட்ச எல்லை என்பது மனித மாமிசத்தை சாப்பிடுவதும் ,மனித ரத்தத்தை குடிப்பதும்தான். கடைசி எல்லையை தாண்டிய பீமன் செய்ய இனி என்ன இருக்கிறது?
ஸ்டீபன் ராஜ் குலசேகரன்
