அன்புள்ள ஜெ,
புத்தகங்கள் பற்றி எனது வட்டத்தில் விவாதிக்கும் போது, எப்படியும் வெண்முரசு பற்றிய பேச்சு எழாமல் போவதில்லை. அதில் ஒவ்வொரு முறையும், தமிழ் படிக்க தெரியாதவர்கள் கேட்கும் முதல் கேள்வி, ஆங்கில மொழிபெயர்ப்பு உண்டா என்பது.
உங்களது சிறுகதைகள் சிலவற்றிற்கு மொழிப்பெயர்ப்பு உண்டென்று அறிவேன், ஆனால் வெண்முரசை மொழிப்பெயர்ப்பு செய்ய எண்ணம் உள்ளதா என்று தெரியவில்லை. உள்ளதா?
இதைப்பற்றி நீங்கள் முன்பே எதுவும் எழுதி உள்ளீர்களா?
அன்புடன்,
மதுமிதா.
அன்புள்ள மதுமிதா
பொதுவாக மொழியாக்கங்களில் நானும் கூடவே அமர்வதில் எனக்கு நாட்டமில்லை, நேரமும் இல்லை. ஆகவே மொழியாக்கங்களை தவிர்க்கவே விரும்புகிறேன். எனக்கு நம்பிக்கை உள்ள மொழியாக்கம் செய்பவர் சுசித்ரா. அவரிடம் மட்டுமே கொஞ்சமேனும் ஒத்துழைக்கிறேன்
வெண்முரசு முடிந்தபின் ஒருவேளை மலையாளத்தில் நானே மொழியாக்கம் செய்யலாம்
ஜெ
