அன்புள்ள ஜெயமோகன் சார்,
வெண்முரசின் அடுத்த நாவல் "தீயின் எடை" .இந்த பூமியில் நான் வந்தது முதல் யோசிக்கவே செய்யாத ஒரு விஷயம் " தீயின் எடை" என்ன ? எப்படி ? என்பது. உண்மையில் அப்படி ஒரு அளவை உண்டா என்றும் தெரியவில்லை.காற்றின் எடை பற்றியாவது ஸ்கூலில் சொல்லி கொடுத்த ஞாபகம் இருக்கிறது.தீயின் எடை என்பது யோசிக்கவே செய்யாதது. தலைப்பே மாபெரும் கிளர்ச்சியை அளிக்கிறது. ஆனால் அனைத்தும் எரிந்து சாம்பலாகிவிட்டது...பிறகு அதற்கு என்ன எடை இருக்கும் என யோசித்தபோது .....சென்னையில் குடிசை பகுதிகள் எரிந்த பின் சோகமாய் அந்த களங்களுக்குள் எதையோ தேடும் முகங்கள் பத்திரிகை புகைப்படங்களாய் மின்னி மின்னி மறைந்தது. நாவலில் வரப்போவது என்ன மாதிரியான தீ ? அதன் எடை எப்படி நிர்ணயிக்கபடுகிறது ? என வாசிக்க ஆவலாய் காத்திருக்கிறேன்.
ஸ்டீபன் ராஜ் குலசேகரன்
