அன்புள்ள ஜெயமோகன்,
வண்ணக்கடல் முடிந்துவிட்டது. இதை ஜெயஸ்ரீ கோவிந்தராஜன் படித்து திருத்தித் தந்தார். நான் மேற்பார்வை இட்டேன்.
கீழே உள்ள தமிழ்ச்சொற்களுக்கு விளக்கம் வேண்டும். நான் விளக்கம் எழுதியவற்றையும் சரி பரத்துவிடுங்கள்.
அன்புடன்,
பிரசன்னா
வண்ணக்கடல் தமிழ்ச்சொற்கள்
கல்அளை - அளை என்றால் வளை, பொந்து
அறுவை - துணி
தெள்ளு - சிறிய பூச்சி, தெளிந்தது என்னும் பொருள் உண்டு
கானீனமைந்தன் - முறையாக மணக்காமல் பிறக்கும் மைந்தர்களை பலவகையாகப்பிரித்து அங்கீகரிக்கிறது மகாபாரதம். அதில் ஒரு வகை மைந்தன். இவ்விவாதம் மழைப்பாடலில் வருகிறது
கணிகாணுதல் - ஒரு பொருளில் காலையில் கண்விழித்தல், காணிக்கைப் பொருளை பார்த்தர்
முதுநுளவர் - நுளவர் பரதவரில் ஒரு பிரிவு
பிழுது - பிடுங்கி
அளியது - பரிதாபத்திற்குரியது
ஃபாங்கம் - அபின் இலைகளை அரைத்து எடுக்கப்படும் ஒருவகை மது
ரஸ்மி - கதிர்
கைவிடுபடைப்பொறி - தானியங்கிப்பொறி
பாண்டரங்கம் - ஒருவகை கூத்து. தாண்டவம்.சிவன் ஆடுவது.
பிடியானை - பெண்யானை
கறங்குபுள் - ஒலிக்கும் சிறிய பறவை
கலுழ்ந்து - அழுது, கலங்கி
கபிலநிறம் - பழுப்பு நிறம்
செம்போத்து - கருப்பும் பழுப்பும் கலந்த குயில்வரிசைப் பறவை
நாகணவாய் - மைனாப் பறவை
காஞ்சனம் - பொன். இங்கே ஒரு மணியின் பெயர்.
மகாமரியாதம் - பெரிய கோட்டை
மந்தணம் - ரகசியம், அந்தரங்கம்
மதலை - குழந்தை
கோட்டல் - கொள்ளுதல், வளைத்துக்கொள்ளுதல்
அம்பி - தோணி, தெப்பம், மரக்கலம்
ஓங்கில் - டால்பின்
வள்ளம் - சிறிய நீரூர்தி
பண்டி - வயிறு
உகிர் - பறவை விலங்குகளின் கால் நகம்
முனம்பு - இயற்கையாக உருக்கொண்ட முனை, நிலம்,
கவை - ஒரு வகை மரக்கொம்பு
நிலவாய் - வாய் குறுகலான பெரிய பாத்திரம்
இற்செறிப்பு - பருவம் வந்த பெண்கள் மணமாகும்வரை வீட்டுக்குள்ளேயே இருப்பது
மதங்ககர்ப்பம் - யானை கர்ப்பம்
மஞ்சல் - துணியால் ஆன பல்லக்கு. தூளிப்பல்லக்கு
பிலம் - பாதாளம், தானாக மண்ணுக்கு அடியில் உருவாகும் குகை
சுளுந்து - தீப்பந்தம் செய்யப் பயன்படும் ஒருவித மரம், சுள்ளி
அமரமுகப்பு - படகின் குவிந்தமுனை முகப்பு
சமித்து - வேள்வியில் அர்ப்பிக்கப்படும் விறகு
ஆதுரம் - மருத்துவம்
அத்திரி - கோவேறு கழுதை
ஜனபதம் - மக்கள்வாழும் நிலப்பகுதி. சிறிய சமூகக்கட்டமைப்பு. ஆரியவர்த்தம் 16 ஜனபதங்களாக வேதகாலத்தில்
பிரிக்கப்பட்டிருந்தது.
மங்கலை - மங்கலமான பெண்
வெய்யநீர் - சுடு நீர்
ஊழ்கம் - தியானம்
பீதர்கள் - மஞ்சள்நிறமானவர். சீனர்கள். திபெத் லடாக் பகுதியினர்
நாவாய் - மரக்கப்பல்
வினைவலர் - வேலையாள்கள், சேவகர்
ஒளித்துமி - ஒளியின் மிகச்சிறிய துளி
தேறல் - கள்
ஸ்ருதி, சுருதி - மூலநூல். தத்துவத்தைச் சொல்லக்கூடியது. வேதங்கள், உபநிடதங்கள்.
ஸ்மிருதி - ஒழுக்கச்சட்டங்களைச் சொல்லக்கூடியது. மாறக்கூடிய நூல்.
விராட ரூபன் - பிரம்மாண்ட வடிவம் கொண்டவன்
சென்னி - தலை
அவி, அவிப்பொருள் - ஹவிஸ். வேள்வியில் அர்ப்பிக்கப்படும் உணவு.
அந்தரீயம் - கீழாடை; உடைமேல் கட்டும் மெல்லிய ஆடை
அழல் - தீயின் கதிர்
ஆற்றிடைக்குறை - ஆற்றுநடுவே உள்ள மணல்திட்டு
இமிழ் ஒலி - முழக்கமுள்ள ஒலி
இழிந்து - இறங்கிவழிந்து
இளிவரல் - ஏளனம், அங்கதம்
உத்தரீயம் - மேலாடை
உலைந்து - மெல்ல அசைந்து
உண்டாட்டு - உணவுண்டு மகிழும் விழா, போருக்குப்பின் நிகழும் பெரு விருந்து
ஊர்மன்று - ஊர் சாவடி
கவந்த - கபந்த
கரந்த - மறைந்த
கிணைப்பறை - கையால் வாசிக்கப்படும் சிறிய பறை
சகடம் - சக்கரம்
சிதர் - நுணுக்கமான சிதறல்கள், துருவல்கள்
சேடன் - ஆதிசேடன். நாகம்
தளகர்த்தர் - தளபதி
தலைக்கோல் - கலைக்குழுவில் முதலில் வருபவர் ஏந்தியிருக்கும் கோல். சூதரின் முதல்வன் வைத்திருக்கும் கோல்
தலைக்கோலி - கலைக்குழுவில் முதன்மையானவர். சூதரில் முதன்மையானவர்
தாலம் - தாம்பாளம்
துளித்து - துளியிட்டு
தேற்றைகள் - கோரைப்பற்கள்
நுகம் - மாடுகள், குதிரைகள் கட்டப்படும் வண்டியின் முகப்புத்தடி
நிமித்திகர் - புறக்குறிகளைக்கொண்டு வருவது உரைப்பவர்கள்
நீர்த்துமி - மெல்லிய துளி
பதிட்டை - பிரதிஷ்டை
பலாசம் - ஒரு மரம் [செம்முருக்கு], யாகத்துக்கான விறகாகப் பயன்படுபவது
பாணன் - பாடி அலையும் பாடகர். குலப்பாடகர்கள், வீரக்கதைப்பாடகர்கள்
பிறவிநூல் - ஜாதகம்
பிரஜாபதி - தன்னிலிருந்து படைப்பை உருவாக்கும் ஓர் ஆதி விசை அல்லது ஆதி இருப்பு
புடவி - பிரபஞ்சம்
பேருரு- விஸ்வரூபம், பிரம்மாண்டமான
மன்று - மன்றம்
வசு - ஒருவகைதேவர்கள். எட்டுபேர் என்பதனால் அஷ்டவசுக்கள். தர்மதேவனுக்கு வசு என்னும் மனைவியில் பிறந்தவர்கள்.
வனம்புகுதல் - வானப்பிரஸ்தம்
வாளி - அம்பு
விந்தியன் - விந்தியமலை
விழவு - விழா
விறலியர் - பாணனின் மனைவி. பாடி ஆடி கதைசொல்பவள்
வெண்கலை - வெள்ளை உடை, கலைமகள்
ஜாதகர்மம் - பிறப்புச் சடங்குகள்
அடுமனை - சமையலறை
அவை - சபை
அந்தரீயம் - கீழாடை
அக்காரம் - வெல்லம்
அரசுசூழ்தல் - ராஜதந்திர ஆலோசனை
அடைப்பக்காரன் - தாம்பூலம் அளிப்பவன்
அகம்படியினர் - அரசனின் பரிவாரங்கள்
அறைகூவல் - சவால்
இடைநாழி - திண்ணை
இன்நீர் - இனியநீர்
உந்தி - தொப்புள்
எந்தை - என் தந்தை
ஒருசாலை மாணாக்கன் - ஒரே இடத்தில் படித்த மாணவர்கள்
களபம் - மஞ்சள் அரைத்து உருவாக்கும் விழுது
கிருவி - ஒரு குலம்
குவை - குவியல்
கூறை - வண்ணம் இல்லாத புடவை
கொடுகொட்டி - துர்க்கை ஆடும் கூத்துக்களில் ஒன்று
கோரோசனை - மானிலிருந்து எடுக்கப்படும் நறுமணப்பொருள்
சத்ரம் - வெண்கொற்றக்குடை
சித்தம் - பிரக்ஞை
சிவமூலிகை - கஞ்சா
சேடியர் - வேலைக்காரப்பெண்கள்
தமோ குணம் - தேக்கம்
திருஷ்ணை - உலகச்செயல்களில் வரும் பற்று
நவகண்டம் - தன் கழுத்தை தானே வெட்டிச்சாகும் சுயபலி முறை
அதலம் - ஏழு அடியுலகங்களில் முதல், அடியற்ற வெளி
நீணாள் - நீண்டநாள்
பாங்கர் - அணுக்கத்தோழர்
புரை - சிறிய அறை
புலரி - விடியல்
முழவு, குறுமுழவு - கையால் மீட்டும் சிறிய பறை
ரஜோ குணம் - செயலூக்கம்
வயற்றாட்டி - குழந்தைப்பேறு பார்க்கும் மருத்துவச்சி
