அன்பு ஆசிரியருக்கு,
கண்டிப்பாக இந்த மெயில் தேவை இல்லாத ஒன்று என்று நினைப்பீர்கள். இருந்தாலும் பொறுத்துக்கொள்ள முடியாத கோபத்தில் எழுதுகிறேன்.
என்னதான் வேண்டும் இவர்களுக்கு? எதற்கு இந்த பொச்செரிப்பு?தொலைகாட்சியில் எதோ மாயஜால தொடர் போல எடுத்துகொண்டிருக்கும் பாரதத்தின் ஆதார சுருதியாக விளங்கும் ஒரு பெரும் காவியத்தை அதன் சாரத்துடன் வாசகர்களுக்கு தருவது ஒரு தலையாய எழுத்தாளரின் பணி இல்லையா? அதற்க்கு அவர் தன் வாழ்நாள் முழுவதும் மெனக்கெட்டாலும் அது தகும் இல்லையா? அதற்க்கு சக எழுத்தாளர்கள் செய்ய முடிவது அவரை உற்சாகபடுத்துவது மட்டுமே அல்லவா?
வாசகர்கள் ஜெயமோகன் என்பதற்குதான் படிக்கிறார்களா? திரைத்துறை உதாரணம் சொல்லவேண்டும் எனில், கமல் திரைப்படங்கள் கமல் நடித்துள்ளார் என்பதற்காக மட்டுமே பேசப்படுகின்றனவா? நாங்கள் என்ன தற்குறிகளா? வென்முரசை பொறாமையில் விமர்சிக்கும் ஒரு பக்கத்தை கூட எழுதிவிட மட்டுமல்ல, அதன் பொருளை புரிந்துகொள்ள லாயக்கு இல்லாதவர்கள் என்றே சொல்வேன்.
வெறுமனே படிப்பதில்லை, வாழ்க்கையின் ஒவ்வொரு பகுதியையும் ஒவ்வொரு மகாபாரத கதை மாந்தருடன் சேர்ந்து கற்பனை செய்து வாழவே செய்கிறோம் நாங்கள். அது பிடிக்கவில்லையா இவர்களுக்கு? எதற்கு இப்படி நடந்து கொள்கிறார்கள்? எதற்கு இத்தகைய பொய்யான விமர்சனங்கள்?
விட்டு தள்ளுங்கள்!
தாழ்மையுடன்,
சரவணகுமார்.
