அன்புள்ள ஜெ ,
குந்தி பீமனிடம் 'தான் ஏன் தன் மகனை பாரத சக்ரவர்த்தியாக்க முயல்கிறேன் ' என்பதற்காக காரணத்தை கூறிய இடம் வெண்முரசின் மிக சிறந்த இடங்களில் ஒன்று .
அந்த காட்சிக்கு பிறகு குந்தி பற்றியும் பாண்டு பற்றியும் நான் எண்ணியிருந்தவைகள் மாறியிருந்தன , பாண்டுவில் இப்படியான தன் உடல் சார்ந்த தாழ்வுணர்வு இருப்பதை நான் கவனிக்கவே இல்லை , குந்தி அதை உணர்ந்து அவன் குறைகளை மகன்கள் மூலம் தாண்ட நினைப்பது என நினைப்பவள் என்பதே அவள் சொல்லிய பிறகுதான் என்னால் உணர முடிந்தது , இதன் முன் வேறு மாதிரி எண்ணியிருந்தேன் .
இது உண்மையில் அன்னையின் மனநிலை , தன் அழகற்ற மகனையும் பேரழகனாக எண்ணுவதை போன்றது , குந்தியில் கொஞ்சம் காளியின் அம்சமும் இருக்கின்றது :) ,அதனால்தான் அந்த எண்ணத்தை உண்மையாக்க முயல்கிறாள் தன் பிள்ளைகளின் மூலம் , இது உண்மையில் சுவாரஸ்யமாக இருக்கிறது , குந்தியின் இந்த எண்ணத்தை உணர்ந்து அவளுக்கு உதவ தேவர்கள் பிள்ளைகளை கொடுத்து சென்றார்கள் போல , அல்லது அந்த எண்ணத்திற்காக தேவர்களுகளுடன் இணைத்து மைந்தர்களை இவள் பெற்றெடுத்தாள் போல என எண்ணி கொண்டேன்
ராதா கிருஷ்ணன்
