வெண்முரசு நிறைவு எனக்கு ஏனோ நானே பெற்ற வெற்றி போன்று பெருமிதம் அளித்தது. என்னுடைய மனமார்ந்த வாழ்த்துக்கள் ஜெ ! உங்களது நூல்களை semantics, syntax ஆய்வுக்கு உட்படுத்தினால் - காடு எழுதிய ஜெ , இன்றைய காந்தி எழுதிய ஜெ, வெண்முரசு எழுதிய ஜெ மூவரும் வெவ்வேறு நபர்கள் என்றே யூகிக்கிறோம் என்று முடிவு அறுதியாக வரும். என்னவொரு breadth அண்ட் டெப்த் ! மிகையாக கூறவில்லை உண்மையாகவே எனக்கு வணிக நாவல்களும் பெரும் சலிப்பேயே தருகின்றன - உங்களது மொழிக்கும், கதைசொல்லும் முறைக்கும் பழகிய பிறகு.
முன்னதாகவே நமது நண்பர்கள் மத்தியில் "Game of Thrones" சம்பந்தமான விவாதங்கள் வந்தபொழுது, முழு தொகுப்பையும் வாங்கி படித்தேன் - நுட்பான கதைதான், சில பலமான கதைமாந்தர்களும் இருக்கிறார்கள். கதை விறுவிறுப்பாக நகர்ந்தது. ஆனால் கதை மேல்மனதிலியே அதாவது தர்க்க புத்தியில் மட்டும் நிகழ்ந்தது ஆழ்மனதை சென்று தொடவே இல்லை. வெண்முரசு அளித்த தரிசினங்களோ, விம்ம செய்து, வெடித்து அழுகச்செய்த தருணங்களோ "game of thrones" வாசிப்பில் எனக்கு கிட்டவேயில்லை. அளப்பெரிய நன்றி ஜெ, உங்களது எழுத்திற்கும், நீங்க திரட்டி அளிக்கும் wisdom எத்தனையோ நபர்களின் வாழ்க்கையை சரியான பாதையில் செலுத்திகிறது, நானும் அவர்களில் ஒருவன்.
கோபி
