ஜே அவர்களுக்கு,
நான் கண்ணதாசன், ஜெயகாந்தன், புதுமை பித்தன், பிரபஞ்சன் புத்தகங்களை படித்துஇருக்கிறேன். ஆனால் தங்கள் வெண்முரசு நாவல்கள் என்னை மிகவும் கவர்ந்து விட்டன. ஒவ்வொரு நாளும் படித்து படித்து மகிழ்ந்து கொண்டுஇருக்கிறேன். தாங்கள் இது போன்ற பல நல்ல படைப்புக்களை கொடுக்க வேண்டும் என்று கடவுளை பிரார்த்திக்கிறேன். நான் என்னுடைய வாழ் நாளில் இது போன்ற ஒரு மொழி நடையை படித்தது இல்லை. தாங்கள் தமிழ் மொழியை அழகு செய்த விதம் என்னை மிக மிக ஆச்சர்யப்பட வைத்துள்ளது....
ஒரு சிறிய வேண்டுகோள் தங்களுடைய மற்ற நாவல்களையும் கிழக்கு பதிப்பகம் பிரசுரிக்க ( நாவல் 19இலிருந்து ) ஏற்பாடு செய்ய வேண்டியது. நான் அவற்றை வாங்க காத்துஇருக்கிறேன்.
மீண்டும் தங்களுக்கு என் மனமார்ந்த வாழ்த்துக்கள்.
நன்றி
பழனியப்பன்
அன்புள்ள பழனியப்பன்
நூல்கள் தயாராகிக்கொண்டிருக்கின்றன. விரைவில் வெளியாகும்
ஜெ
