குண்டாசியின் கடைசி வார்த்தைகள் சொல்லொன்னா துயரத்தை தருகிறது. மீண்டும் ஓட்ட முடியாத உடைந்த பானை சில்லுகள். குண்டாசிக்கு தெரிந்திருக்கும். அவன் எட்டு வருடங்கள் அழுதுவிட்டான். அவன் நிலைமை பரிதாபம்தான். அனால் பீமனின் நிலை !!. அவனுக்கு இன்னொரு குண்டாசி எங்கிருந்து கிடைப்பான் ? அப்படி கிடைத்தாலும் அவனால் நம்பிக்கையுடன் அந்த அன்பை செலுத்தத்தான் முடியுமா ? என்ன ஒரு வெறுமை அவனில் குடியேறி இருக்க வேண்டும் !! ஒருவேளை கடோத்கஜன் பீமனை ஓரளவேனும் மீட்டிருக்காவிட்டால் அவன் அரக்கனாகவே ஆகியிருப்போனோ ?
நம்பிக்கை துரோகம் போல் உறவை பிளக்கும் கொடிய ஆயுதம் வேறெதுவும் உண்டா !!
கோகுல் சம்பத்
