கீதை

ஜெ

இந்த வரிகள் அப்படியே சென்று பகவத்கீதையில் இணைவதன் அழகைத்தான் கவனித்துக்கொண்டிருக்கிறேன். கீதையை எடுத்து அதிலுள்ள வரிகள் இந்த அத்தியாயங்களில் எப்படி வருகின்றன என்று பார்க்கிறேன். மூன்றிலொரு வரிகள் எடுத்தாளப்படுகின்றன. ஒரு கேள்வி கேட்கப்பட்டு அதற்குப்பதிலாக கீதைக்கு சமானமான வரிகள் சொல்லப்பட்டு அதே கவித்துவத்துடன் கீதையின் வரிகள் வந்துவிடுகின்றன. கீதையின் வரிகளால்தான் இந்தவரிகள் அழகாக ஆகின்றன

மதியும், ஞானமும், மயக்கமின்மையும், பொறுத்தலும், வாய்மையும், அடக்கமும், அமைதியும், இன்பமும், துன்பமும், உண்மையும், இன்மையும், அச்சமும், அஞ்சாமையும், துன்புறுத்தாமையும், நடுமையும், மகிழ்ச்சியும், ஈகையும், தவமும், இகழும், புகழும் இங்ஙனம் பலமிடும் இயல்புகளெல்லாம் அதனிடமிருந்தே உயிர்கள் அடைகின்றன.

என்ற வரி அமைந்திருக்கும் விதம் அற்புதமானது

ராம்